ئێعدامی بەندکراوێک لە زیندانی ناوەندیی هەمەدان
پێنجشەممە ۰۲-۰۵-۱۴۰۴ | 24-07-2025
سەرلە بەیانی ڕۆژی چوارشەممە ۱ی گەلاوێژی ١٤٠٤، حوکمی ئێعدامی “مەهدی حەیدەری تورکاشوەند”، هاووڵاتیی تەمەن ۳۵ ساڵ و خەڵکی شاری کەنگاوەر سەر بە پارێزگای کرماشان، لە زیندانی ناوەندیی هەمەدان جێبەجێ کرا.
بە وتەی سەرچاوەیەکی ئاگادار، ئەو بەندکراوە پێشتر بە تۆمەتی پەیوەندیدار بە ماددە هۆشبەرەکانەوە دەستبەسەر کرابوو و لە لایەن دەزگای دادوەریی کۆماری ئیسلامییەوە، حوکمی ئێعدامی بەسەردا سەپێندرابوو.