ئێعدامی بەندکراوێک لە زیندانی ناوەندیی قوروە
یەکشەممە ۰۵-۱۲-۱۴۰۳ | 23-02-2025
سەرلە بەیانیی ئەمڕۆ یەکشەممە ٥ی ڕەشەممە، حوکمی ئێعدامی “نەعیم عەبدی” بەندکراوی تەمەن ٢٢ ساڵ و خەڵکی قوروە، لە زیندانی ناوەندیی ئەوشارە جێبەجێ کرا.
بەوتەی سەرچاوەیەکی نزیک لە بنەماڵەی عەبدی، نەعیم عەبدی دوو ساڵ لەمەوبەر بە تۆمەتی “کوشتنی بە ئەنقەستی هاووڵاتییەک بەناوی بێهزاد موعەزەمی” دەستبەسەر کرابوو و دواتر لە لایەن دەزگای دادوەریی کۆماری ئیسلامییەوە، حوکمی ئێعدامی بەسەردا سەپێندرابوو.