Komala

حوکمی ئێعدامی دوو بەندکراو کە پێشتر بە تۆمەتی “پەیوەندیدار بە ماددە هۆشبەرەکان” لە لایەن دەزگای دادوەریی کۆماری ئیسلامییەوە، حوکمی ئێعدامیان بەسەردا سەپێندرابوو، لە زیندانی لاکانی ڕەشت جێبەجێ کرا.
بەپێی ڕاپۆرتەکان، بەرەبەیانیی ڕۆژی یەکشەممە ۲۶ی ڕەشەممە، حوکمی ئێعدامی کوروش زارع، تەمەن ۳۶ ساڵ کە سێ ساڵ لەمەوبەر بە تۆمەتی “پەیوەندیدار بە ماددە هۆشبەرەکان” دەستبەسەر کرابوو، لە زیندانی لاکان بەکردەوە دەرهاتووە. هەروەها بەرەبەیانیی ڕۆژی سێشەممە ۷ی ڕەشەممە، حوکمی ئێعدامی فەرامەرز کەیفەری، بەندکراوی خەڵکی کەنگاوەر کە بە هەمان تۆئمەت دەستبەسەر کرابوو، لە زیندانی لاکانی ڕەشت جێبەجێ کراوە.