Komala

ڕۆژی شەممە ٢٩ی گوڵان، حوکمی ئێعدامی فەردین مووسازادە تەمەن ٣٧ ساڵ و مەهدی خادم تەمەن ٢٤ ساڵ، کە هەردووکیان خەڵکی مشکین شاری سەر بە پارێزگای ئەردەبیل بوون لە زیندانی ناوەندیی ئەردەبیل جێبەجێ کرا.
بەوتەی سەرچاوە ئاگادارەکان، فەردین مووسازادە لە ٥ ساڵ لەمەوبەر و مەهدی خادم لە ٤ ساڵ پێشتر، بە تۆمەتی پەیوەندیدار بە ماددە هۆشبەرەکانەوە دەستبەسەر کرابوون و لە لایەن دەزگای دادوەریی کۆماری ئیسلامییەوە حوکمی ئێعدامیان بەسەردا سەپێندرابوو.