Komala

سەرلە بەیانی ئەمڕۆ پێنجشەممە ٩ی ڕەشەممە، حوکمی ئێعدامی دوو بەندکراو بە ناوەکانی “مورتەزا جەعفەری” خەڵکی لوڕستان و “جەواد محەمەدخانی” خەڵکی ئیسفەهان، لە زیندانی ناوەندیی ئیسفەهان بەکردەوە دەرهات.
بە گوێرەی زانیاری سەرچاوەکان، ئەم دوو بەندکراوە پێشتر لە دوو دۆسیەی جیاجیادا بە تۆمەتی “تاوانەکانی پەیوەندیدار بە مادە هۆشبەرەکان” دەستبەسەر و دواتر لە لایەن دەسەڵاتی دادوەری کۆماری ئیسلامییەوە، حوکمی ئێعدامیان بە سەردا سەپێنرابوو. لە لایەکی دیکەوە، ڕۆژی چوارشەممە ٨ی ڕەشەممە، “شۆعەیب ڕەزاپوور” تەمەن ٣٠ ساڵ و خەڵکی گوندی “سست” سەربە شارستانی ئێسفەراین، بە مەبەستی جێبەجێ کرانی حوکمی ئێعدامەکەی، گواسترایەوە بۆ ژووری تاکەکەسی زیندانی ناوەندیی ئەمشارە و بڕیارە حوکمەکەی لەبەر چاوی خەڵک ئەنجام بدرێ.