Komala

سەرلە بەیانیی ئەمڕۆ چوارشەممە ٨ی ڕەشەممە، حوکمی ئێعدامی سێ بەندکراو کە ناوی دوانیان “سەجاد ئێقباڵی” خەڵکی کۆهدەشت و “مۆسەیب عەزیزی” خەڵکی ئەراک ڕاگەیەندراوە، لە زیندانی قزڵحیساری کەرەج بەکردەوە دەرهات.
بەپێی ئەم ڕاپۆرتە،  سەجاد ئێقباڵی و مۆسەیب عەزیزی، پێشتر لە دوو پەروەندەی جیاجیادا بە تۆمەتی “بەشداری لە قەتڵ” دەستبەسەر و لە لایەن دەسەڵاتی دادوەری ڕژیمەوە بە ئێعدام مەحکووم کرابوون. هەروەها بەندکراوێکی دیکە کە ناوی نەبردراوە بە تۆمەتی “مەحاربە” بە ئێعدام مەحکووم کرابوو و حوکمەکەی ئەمڕۆ چوارشەممە لە زیندانی قزڵحیساری کەرەج بەکردەوە دەرهاتووە.