Komala

ڕۆژی شەممە ٧ی ڕەزبەر، ئاژانسی هەواڵی فەرمی سعوودییە، ڕاگەیاندراوێکی وەزارەتی وڵاتەکەی بڵاو کردووەتەوە کە ئاماژەی بەوە داوە، ڕۆژی شەممەی ڕابردوو لە وڵاتەکە سێ کەس لەسێدارە دراون، بەمەش ژمارەی لەسێدارەدراوان گەیشتووەتە ١٩٨ کەس.
بەپێی ئامارە فەرمییەکانی ڕێکخراوی لێبوردنی نێودەوڵەتیی؛ وڵاتی سعوودییە، لە ساڵی ١٩٩٥، ١٩٢ کەس و لە ساڵی ٢٠٢٢، ١٩٦ کەسی ئێعدام کردووە. هەروەها بەپێی ڕاپۆرتی ڕێکخراوەکە، سعوودییە لەسەر ئاستی جیهان لە دوای چین و ئێران لە پلی سێیەمی دێت کە زۆرترین ڕێژەی لەسێدارەدانی تێدا تۆمار دەکرێت. ئاژانسی فرانس پرێس، ئەوەشی خستووەتەڕوو، لەسێدارەدانەکانی ساڵی 2024 لە سعوودییە بریتی بوون لە 52 کەس کە بە تۆمەتی پەیوەندیدار بە قاچاخچێتی مادەی هۆشبەر، هەروەها 32 کەسیش بە تۆمەتی پەیوەست بە تیرۆرەوە سزا دراون.