Komala

ڕێکخراوی مافی مرۆڤی ئێران ڕۆژی شەممە ١٣ی گەلاوێژ لە ڕاپۆرتێکدا ڕایگەیاند: لانیکەم ٣٠٠ کەس لەوانە ٤٢ هاووڵاتیی بەلووچ، ٢٠ هاووڵاتیی کورد، ٢٠ هاووڵاتیی ئەفغانستانی و ١٥ ژن، لە ماوەی حەوت مانگی ڕابردوودا لە زیندانەکانی ڕژیم ئێعدام کراون.
بەپێی داتاکانی ئەم ڕێکخراویە، ١٧٢ هاووڵاتیی بە تۆمەتی “تاوانەکانی پەیوەندیدار بە مادە هۆشبەرەکان”، ١٥ هاووڵاتیی بە تۆمەتی ئەمنییەتی “مەحاربە، بەغی و افساد و فی ئەرز و پێنج کەسیش بە تۆمەتی سیخۆڕی بۆ ئیسرائیل ئێعدم کراون. هەروەها ٣ کەس بە تاوانی دەستدرێژی سێکسی، لە لایەن دەسەڵاتی دادوەری ڕژیم بە ئێعدام مەحکووم و حوکمەکەیان بەکردەوە دەرهاتووە. ئەم ڕێکخراوەیە هەروەها جەختی کردووەتەوە، ڕاگەیەنەرە فەرمییەکانی ڕژیم لەم ٣٠٠ حاڵەتی ئێعدامە تەنیا ٢٨ حاڵەتیان ڕاگەیاندووە.