بانگهێشتی شۆرای هاوئاهه‌نگی ڕێكخراوه‌كانی فه‌رهه‌نگیان بۆ مانگرتن له مه‌دره‌سه‌كان
شەممە ۳۰-۰۷-۱۴۰۱ | 22-10-2022
ڕۆژی هه‌ینی ٢٩ی ڕه‌زبه‌ر، شۆرای هاوئاهه‌نگی ڕێكخراوه سنفیه‌كانی فه‌رهه‌نگیانی ئێران ڕاگه‌یاندنێكی بڵاوكرده‌وه و تێیدا داوای كرد ڕۆژانی یه‌كشه‌ممه و دووشه‌ممه ١ و ٢ی مانگی خه‌زه‌ڵوه‌ر قوتابیان و موعه‌لیمان له نێو مه‌دره‌سه‌كاندا مان بگرن.
پاش بڵاوبوونه‌وی ڕێژه‌ی گیانبه‌ختكردووانی منداڵ و مێرمنداڵان له‌لایه‌ن ڕێكخراوه‌كانی مافی مرۆڤه‌وه، شۆرای هاوئاهه‌نگی ڕێكخراوه سنفییه‌كانی فه‌رهه‌نگیانی ئێران له ناڕه‌زایه‌تی به سه‌ركوتی خوێنانی خوێندكاران بۆ ڕۆژانی یه‌كشه‌ممه و دووشه‌ممه ١ و ٢ی مانگی خه‌زه‌ڵوه‌ر مانگرتنی گشتی ڕاگه‌یاندووه و به‌پێی بانكهێشتی ئه‌و ڕێكخراوه‌یه بڕیاره قوتابیان و موعه‌لیمان له نێو مه‌دره‌سه مان بگرن و نه‌چنه سه‌ر كلاسه‌كانی ده‌رس.