Komala

بەپێی زانیارییەکان، ڕۆژی پێنجشەممە ٢٣ی ڕەشەممە، “حەسەن کاکایی” هونەرمەندی خەڵکی شاری بۆکان، لە لایەن ئیدارەی ئیتلاعاتەوە بانگ و لێپرسینەوەی لەگەڵدا کراوە.
شایانی باسە، ناوبراو دوای ڕۆیشتنی بۆ ئیدارەی ئیتلاعاتی بۆکان، بەڵێننامەی نوسراوی لە سەر بنەمای بەشداری نەکردنی لە ڕێورەسمەکانی نەورۆز لێ وەرگیراوە و داوای لێکراوە لەو ماوەیەدا لە ماڵەکەی نەچێتە دەرەوە. جێگای ئاماژەیە، حەسەن کاکایی لە رێکەوتی ٤ی خاکەلێوەی ١٤٠٣، بە هۆی بەشداری کردنی لە ڕێورەسمەکانی نەورۆز لە ئاوایی “ئاڵی کەند”ی بۆکان لە لایەن هێزە ئەمنییەکانەوە دەستبەسەر و دوای ڕۆژێک لێپرسینەوە ئازاد کرابوو.