بریتانیا سپای پاسداران دەخاتە لیستی تێرۆره وه
سێشەممە ۱۳-۱۰-۱۴۰۱ | 03-01-2023
ڕۆژی سێشه‌ممه، ڕێکەوتی ١٣ی بەفرانبار، ڕۆژنامه‌ی تێلێگراف له ڕاپۆرتێكدا بڵاوی كردووه‌ته‌وه، بریتانیا له چه‌ند حەوتووی داهاتوودا، سپای پاسدارانی ڕژیمی کۆماری ئیسلامی ده‌خاته لیستی تێرۆره‌وه.
سپای پاسداران له چه‌ند حەوتووی ڕابردوودا حه‌وت هاووڵاتیی بریتانیایی به هۆی به‌شدارییان له خۆپیشاندانه‌كان دژی ڕژیمی ئیسلامی دەستبەسەر کردووە.
وەزارەتی دەرەوەی دەوڵەتی بریتانیا ڕایگەیاندووە تا کاتێک کۆماری ئیسلامی لەسەر سەرکوتکردنی خۆپیشاندەران وڵامدەرەوە نەبێ، گوشار و هەنگاوەکان دژی ئەو ڕژیمە بەردەوام دەبێ.
شایانی باسە کە لە ماوەی ڕابردوودا زۆربەی وڵاتانی ئورووپایی داوایان کردووە کە سپای پاسداران بخرێتە لیستی تێرۆرەوە.