Komala

دەسەڵاتدارانی کانادا ئەمڕۆ شەممە ١٨ی ڕەشەممە ڕایانگەیاند کە شەوی ڕابردوو لە نزیک شاری تۆرۆنتۆ، لە هێرشکدا ١١ کەس بریندار کراون.
پۆلیسی تۆرۆنتۆ ڕایگەیاندووە، شەوی ڕابردوو لەناو باڕێکی شاری سکاربۆرۆ لە نزیک تۆرۆنتۆ، کەسێک هێرشی کردووەتە سەر خەڵک و ١١ کەسی بریندار کردووە. شایانی باسە، تۆمەتبارەکە دەستگیر نەکراوە و لێکۆڵینەوەش بەردەوامە. هاوکات تیمی فریاگوزاریی ڕایانگەیاندووە، ئەو ١١ کەسەی بریندار بوون، هەندێکیان برینەکانیان سەختە و بە مەبەستی چارەسەری پزیشکی گواستراونەتەوە بۆ ناوەندە دەرمانییەکان.