برینداربوونی کاسبکارێک بە تەقەی ڕاستەوخۆی هێزەکانی ڕژیم لە سنووری پیرانشار
پێنجشەممە ۲۵-۰۵-۱۴۰۳ | 15-08-2024
کاسبکارێکی خەڵکی پیرانشار، بە تەقەی ڕاستەوخۆی هێزە چەکدارەکانی کۆماری ئیسلامی جێگیر لە سنووری ئەمشارە، بە سەختی بریندار کرا.
ڕۆژی سێشەممە ٢٣ی گەلاوێژ، هیوا قادری، تەمەن ٣٨ ساڵ لە ناوچەی سنووری “کانی خودا”ی سەر بە شاری پیرانشار، بە تەقەی ڕاستەوخۆی هێزە چەکدارەکانی جێگیر لەو سنوورە بریندار کرا. بە وتەی سەرچاوەیەکی ئاگاداری نزیک لە بنەماڵەی هیوا قادری، ئەم کاسبکارە تەقە لە لاقی کراوە و بەمەبەستی چارەسەریی پزیشکی بۆ ناوەندە دەرمانییەکان گواستراوەتەوە.