Komala

بەپێی ڕاپورتەکان، ڕۆژی هەینی ١٤ی گوڵان، هێزە چەکدارەکانی ڕژیم له سنووری سەردەشت به چەکی ساچمەیی و له مەودای نزیکەوه منداڵێکی کۆڵبەریان کردووەته ئامانج.
بەپێی ئەم ڕاپۆرتە، ئاریان تەمەن ١٧ ساڵ و خەڵکی گوندی ساوان سەر به شاری سەردەشت، له بەشی دەموچاو و به تایبەت هەر دوو چاوی به سەختی بریندار بووه و به مەبەستی چارەسەری پزیشکی بۆ ناوەنده دەرمانییەکان گواستراوەتەوه. لە لایەکی دیکەوە هەمان ڕۆژ، کۆڵبەرێک بە ناوی “شەهرام سەبزەواری” خەڵکی شاری شاهۆی سەر بە ڕوانسەر ، لە لایەن هێزە نیزامییەکانەوە لە سنووری نەوسوود بە قۆناغی چەک لێدراوە و بە قورسی بریندار بووە.