برینداربوونی کۆڵبەرێک بە تەقەی ڕاستەوخۆی هێزەکانی ڕژیم
یەکشەممە ۱۶-۰۷-۱۴۰۲ | 08-10-2023
کۆڵبەرێکی خەڵکی شاری سەرپێڵی زەهاوی سەر بە پارێزگای کرماشان، بە تەقەی ڕاستەوخۆی هێزە چەکدارەکانی ڕژیم لە سنووری بانە بەسەختی بریندار بووە.
بەپێی ڕاپۆرتەکان، ڕۆژی شەممە ١٥ی ڕەزبەر، کۆڵبەرێک بە ناوی سەفەر ڕۆستەمی و خەڵکی شاری سەرپێلی زەهاو، بە تەقەی ڕاستەوخۆی هێزە چەکدارەکانی رژیم لە سنووری “هەنگەژاڵ”ی بانە بریندار بووە. بە وتەی سەرچاوەیەکی ئاگادار، ئەم کۆڵبەرە بەهۆی تەقەی هێزە چەکدارەکانی ڕژیم پشت و کەمەری بەسەختی بریندار بووە.