برینداربوونی کۆڵبەرێک لە سنووری نەوسوود
هەینی ۲۹-۰۲-۱۴۰۲ | 19-05-2023
بە گوێرەی هەواڵەکان لە ئەنجامی ڕاودوونانی کۆڵبەران لە لایەن هێزەکانی ڕژیم، کۆلبەرێک بەهۆی بەربوونەوە بەسەختی بریندار بوو.
بەپێی ئەم ڕاپۆرتە، ڕۆژی پێنجشەممە ٢٨ی گوڵان، هێزەکانی ڕژیم لە سنووری نەوسووود هێرشیان کردە سەر کۆڵبەران و بەهۆیەوە کۆڵبەرێکی خەڵکی مەریوان بە ناوی “حەبیب محەممەدی” لە کاتی ڕاودوونان لە سەر شاخێکەوە بەربووەوە و بەسەختی برینداربوو. شایانی باسە، ناوبراو بەهۆی ئەم ڕووداوەوە دەست و لاقی شکاوە و بە مەبەستی چارەسەری پزیشکی گوازتراوەتەوە بۆ نەخۆشخانەیەکی شاری مەریوان.