بریندار بوونی ٢کۆڵبەر لە سنووری نەوسوود
هەینی ۲۴-۰۴-۱۴۰۱ | 15-07-2022
دوو کۆڵبەری خەڵکی جوانڕۆ بە ناوەکانی هێمن مروەتی تەمەن ١٨ ساڵ و جەماڵ سەرلەبەیانی ڕۆژی هەینی ٢٤ی پووشپەر، لە کاتی کۆڵبەری لە سنووری نەوسوود بە تەقەی ڕاستەوخۆی هێزەکانی سەر سنووری ڕژیم بە سەختی بریندار بوون.
هێزە چەکدارەکانی رژیم کاتژمێر ٦ی بەیانی لە سنووری کەلەبەر ئەم دوو کۆڵبەرەیان بە چەکی ساچمەیی داوەتە بەر دەستڕێژی گوللە. ئەم دوو کۆڵبەرە پشتیان بە توندی بریندار بووە و هێمن زیاتر لە ٢٠ پارچە ساچمەی بەرکەوتووە. شایانی باسە ئەم دوو کۆڵبەرە خەڵکی جوانڕۆن و بە مەبەستی چارەسەریی پزیشکی بۆ نەخۆشخانە لە شاری پاوە گوازراونەتەوە.