بریندار بوونی کۆلبەرێک لە سنووری نەوسوود
شەممە ۰۴-۰۴-۱۴۰۱ | 25-06-2022
رۆژی جومعە ٣ی پووشپەر، کۆلبەرێک بە ناوی سیروان ئەحمەدی ٢٨ سال تەمەن، خەلکی شاهۆ سەر بە ناوچەی رەوانسەر، لە کاتی کاری سەختی کۆلبەری بە تەقەی ڕاستەوخۆی هێزە چەکدارەکانی سەر سنووری ڕژیمی کۆماری ئیسلامی لە سنووری نەوسوود بریندار بوو.
هەروەها، ڕۆژی پێنجشەممە ٢ی پووشپەڕ، کۆڵبەرێکی خەڵکی گوندی حاجی مەمدان سەر بە شاری سەقز بە ناوی کەیوان ئەمانی لە کاتی کۆڵبەری لە سنووری سەرتەزێنی بانە لەلایەن هێزە چەکدارەکانی رژیمەوە بە چەکی ساچمەیی تەقەی لێکراوە و شان و چاوی بریندار بووە.
ئەگەرچی ئامارێکی ڕەسمی لە ژمارەی کۆڵبەرانی سنوورەکان لەبەردەستدا نییە بەڵام ساڵانە سەدان کۆڵبەر گیان و سڵامەتیی خۆیان لە ڕێگای دابینکردنی بژێویان، لەدەست دەدەن.