به‌ڕێوه‌چوونی دوو كۆبوونه‌وه‌ی ناڕه‌زایه‌تی له به‌رانبه‌ر ئوستانداری خووزستان
دوشەممە ۱۰-۰۵-۱۴۰۱ | 01-08-2022
ڕۆژی یه‌كشه‌ممه ٩ی گه‌لاوێژ ژماره‌یه‌ك له كرێكارانی گرووپی میللی فوولادی ئه‌هواز هاوكات له‌گه‌ڵ به‌شێك له كادره درەرمانیەکانی نه‌خۆشخانه‌ی “كه‌رەمی” خووزستان له به‌رانبه‌ر ساختمانی ئوستانداری خووزستان كۆبوونه‌وه.
كادره ده‌رمانییه‌كانی نه‌خۆشخانه‌ی “كه‌رەمی” ئه‌هواز له ناڕه‌زایه‌تی به دوا كه‌وتنی حەقدەستەکانیان و جێبه‌جێ نه‌كردنی خواسته‌كانی دیكه‌یان بۆ دووهه‌مین ڕۆژی به‌رده‌وام ناڕه‌زایه‌تییان ده‌ربڕیوه و هه‌روه‌ها كرێكارانی گرووپی میللی فوولادی ئه‌هواز به كۆبوونه‌وه له به‌رانبه‌ر ئوستانداری خووزستان، خوازیاری زیاد كردنی حه‌قده‌سته‌كانیان، باشتر بوونی بارودۆخی ژیان و چاره‌سه‌ر كردنی كێشه‌كانی دیكه‌ی ئه‌و كارخانه‌یه بوون.