Komala

بەپێی ڕاپۆرتەکان، سەرەڕای تێپەڕبوونی ٢٥٧ ڕۆژ بەسەر ڕفاندنی “ئەنوەر ڕەمەزانپوور” هاووڵاتیی تەمەن ٤٦  ساڵی خەڵکی مەهاباد، هیچ زانیارییەک لەسەر تەندروستی، شوێنی ڕاگرتن و چارەنووسی ناوبراو لەبەر دەستدا نییە.
بەوتەی سەرچاوەیەکی ئاگادار، هاوژینی ئەنوەر ڕەمەزانپوور بەمەبەستی بەدەستهێنانی زانیاری لەسەر چارەنووسی ئەو هاووڵاتییە سەردانی ئیدارەی ئیتلاعاتی مەهاباد، بانە، سنە، تاران و ورمێ و باقی ناوەندە ئەمنی و دادوەرییەکانی کردووە، بەڵام تا ئێستا هیچ وەڵامێکی بەدەست نەهێناوە. جێگای ئاماژەیە، ئەنوەر ڕەمەزانپوو، کە لە هەرێمی کوردستان کرێکار بووە، ڕۆژی هەینی ٢٥ی جۆزەردان، سێ ڕۆژ دوای گەڕانەوەی لە هەرێمی کوردستان، لە نزیکی ماڵەکەی خۆی لە لایەن هێزە حکومەتییەکانەوە ڕفێندراوە و لەو کاتەوە تا ئێستا هیچ زانیارییەک لەسەر چارەنووسی لەبەر دەستدا نییە.