Komala

بە تێپەڕ بوونی ٥٠ ڕۆژ بەسەر دەستبەسەرکرانی “ڕامین رەحمانی” تازە لاوی ١٧ ساڵ تەمەنی خەلکی “سەلاس باوەجانی” سەر بە ناوچەی کرماشان، هەتا ئێستا هیچ زانیاریەک لە چارەنووسی ناوبراو لە بەردەست دا نیە و بەدوادا چوونی بنەماڵەکەی بێ ئاکام ماوەتەوە.
“رامین رەحمانی” کاتژمێر ٥ی بەرەبەیانی ڕۆژی ٣٠ی خاکەلێوە لەلایەن هێزەکانی ئیتلاعاتی سپای پاسدارنی کۆماری ئیسلامی لە ماڵی دایک و باوکی دەستبەسەر کرا و لە ماوەی دەستبەسەر بوونیشیدا لە مافی قسەکردن لە گەل بنەمالەکەی و مافی هەبوونی پارێزەر بێبەش بووە و ئەمەش بۆەتە هۆی نیگەرانی بنەمالەکەی.