Komala

هێرشەکانی حوسییەکان بە پشتیوانیی ڕژیمی کۆماری ئیسلامی لە ڕۆژی دووشەممە بەردەوام بوون و ئەم گرووپە سێ مووشەکی بالیستیکی ئاراستەی کەشتییە بازرگانییەکان لە دەریای سوور کردووە.
بەپێی ڕاگەیەندراوی سێنتکام، ڕۆژی دووشەممە ١٤ی ڕەشەممە، حوسییەکان مووشەکێکی بالیستیکی دژە کەشتیان ئاراستەی باشووری دەریای سوور کرد، بەڵام ئەم مووشەکە بەر ئاوەکە کەوت و زیان بە کەشتیەکان نەگەیشت.
بەپێی ئەم ڕاپۆرتە، پاشنیوەڕۆی ڕۆژی دووشەممە حوسییەکان بە پشتیوانیی کۆماری ئیسلامی دوو مووشەکی بالیستیکی دژە کەشتییان ئاراستەی کەشتییەکی کانتینێری سویس کرد.
یەکێک لە مووشەکەکان بەر کەشتییەکە کەوتووە و زیانی پێگەیشتووە، بەڵام بەگوێرەی زانیارییەکان زیانی گیانی بەدواوە نەبووە.