Komala

لەدرێژەی خۆپیشاندانی خوێندکاران لە زانکۆکانی ئەمریکا لەماوەی دوو حەفتەی ڕابردوودا، ئەمڕۆ هەینی ١٤ی گوڵان، خوێندکارانی ناڕازیی درێژەیان بە خۆپیشاندانەکەیان دا و لە ئەنجامی ئەم ئێعتڕازاتانە، بە دەیان خوێندکار لە لایەن پۆلیسی لۆسانجلێس، دەستبەسەر کران.
بەپێی ئەم ڕاپۆرتە، لە ماوەی دوو حەفتە خۆپیشاندانی خوێندکاران بۆ پشتیوانی لە خەڵکی فەلەستین، زیاتر لە هەزار و ٧٠٠ خوێندکار، لە لایەن هێزەکانی پۆلیسی ئەمریکا دەستبەسەر کراون. جێگای ئاماژەیە، ئەم خۆپیشاندانانە پەرەیسەندووە بۆ زۆرێک لە وڵاتانی دیکەی وەک فەڕانسە و کانادا و بەهۆی دەخالەتی پۆلیس، خۆپیشاندانەکان لەم وڵاتانەش بەرەو توندووتیژی کێشراوە.