پاش بانگەوازی دامەزراوە پیشەییە سەربەخۆکان، مانگرتنی گشتی شۆفێرانی ئۆتۆمبێلە بارهەڵگرەکان کە لە ڕۆژی پێنجشەممە ١ی جۆزردانی ١٤٠٤ەوە دەستی پێکردووە، ئەمڕۆ پێنجشەممە ٨ی جۆزردان، پێ نایە ناو هەشتەمین ڕۆژی بەردەوامی خۆی و بەربڵاوییەکی بەرچاوی بەخۆیەوە دیتووە.
پێویستە بوترێ کە بە پشتبەستن بە ڕاپۆرتە نێوخۆییەکان، سەرچاوە خۆجێییەکان و زانیارییە پشتڕاستکراوەکان، لەسەر قەبارەی ئەو مانگرتنە گشتییە کە لە ڕۆژی حەوتەمی خۆیدا بە زیاتر لە ١٦٣ شاری ئێران گەێشتووە و بە یەکێک لە گەورەترین کاردانەوە پیشەیی و ناڕەزایەتییەکان لە دەیەی ڕابردوو لە بەشی گواستنەوەدا دێتە هەژمار. ئەم مانگرتنە سەرەتا لە شاری بەندەرعەباسەوە دەستی پێکرد و لە ماوەی چەند ڕۆژدا بە ناوچەکانی ناوەند، باکوور، باشوور، ڕۆژئاوا و ڕۆژهەڵاتی ئێران گەیشت. لە شارەکانی تاران، ئیسفەهان، سنە، کرماشان، شیراز، مەشهەد، تەورێز، ئەهواز و زاهیدان، بارهەڵگرەکان لە دواوێستگەکاندا ڕاوەستاون و هەندێک وێنە لە ڕیزی درێژی ئۆتۆمبێلە بێکارە ڕاگیراوەکان لە پەراوێزی شەقامەکان و بەنێری ناڕەزایەتییەکان بڵاو کراوەتەوە.