Komala

بەپێی ڕاپۆرتەکان، پۆلیسی بریتانیا لەدرێژەی نائارامییەکانی ئەم وڵاتە کە لە ناوەندی شاری لیوێرپوول بووە هۆی برینداربوونی چەند کەس لە هێزەکانی پۆلیس، زیاتر لە ٩٠ کەسی دەستبەسەر کردووه.
بەپێی ئەم ڕاپۆرتە، ناڕەزایەتییەکان لە بریتانیا کاتێک سەریهەڵدا کە هێرشبەرێک بە چەقۆ لە شاری “ساوت پۆرت” هێرشی کردە سەر ناوەندێکی پەروەردەی مناڵان و لە ئەنجامیدا سێ منداڵی تەمەن ٦، ٧ و ٩ ساڵ کوژران. شایانی باسە، لە ئەنجامی ئەم هێرشە کە ڕۆژی دووشەممە ٨ی گەلاوێژ ڕوویدا، لانیکەم ٨ منداڵی دیکەش برینداربوون و دوو کەسی دیکەش بە سەختی برینداربوون و گەیەندرانە نەخۆشخانە.