بەردەوامی هێرشەکانی ئیسرائیل بۆ سەر کەرتی غەززە
پێنجشەممە ۳۰-۱۲-۱۴۰۳ | 20-03-2025
بەپێی ڕاپۆرتەکان، بەرەبەیانی ئەمڕۆ پێنجشەممە ٣٠ی ڕەشەممە، ٣٧ فەلەستینی لە ئەنجامی هێرشە ئاسمانییەکانی ئیسرائیل بۆ سەر باکوور و باشووری کەرتی غەززە کوژراون.
هاوکات وه‌زاره‌تی ته‌ندروستیی غه‌ززه ڕایگه‌یاندووە، له ماوه‌ی ٤٨ كاتژمێری ڕابردوودا، ٩٧٠ هاووڵاتیی له ئه‌نجامی هێرشه ئاسمانییه‌كانی ئیسرائیلدا كوژراون. هەروەها ئاماژه‌ی به‌وه‌ش كردووە، سه‌دان هاووڵاتیی دیكه له ئه‌نجامی ئه‌و هێرشانه‌دا بریندار بوون و ده‌یان کەسیش بێسەروشوێنن و كه‌وتوونه‌ته ژێر دارپەردوی خانوو و باڵاخانه ڕووخاوه‌كان. جێگای ئاماژەیە، ڕۆژی سێشه‌ممه ٢٨ی ڕەشەممە، سپای ئیسرائیل زنجیرەیەک هێرشی ئاسمانی کردە سەرتاسەری کەرتی غەززە و
له ئه‌نجامی ئه‌و هێرشانه‌دا، زیاتر لە ٤١٣ کەس کوژراون و زیاتر لە هەزار کەسی دیکەیش بریندار بوون.