Komala

نوسینگەی ئاماری میللی ئەمریکا رایگەیاند،لە  ساڵی٢٠١٦وە بۆ یەکەم جار ژمارەی کۆچبەران بۆ ئەمریکا بەرێژەیەکی بەرچاو زیادی کردووە.

ئەم ناوەندە لە نوێترین ئاماریدا ئاماژەی بەوەکردووە، لە ساڵی ٢٠١٦وە یەک ملیۆن و ٢٠٠ هەزار کۆچبەر روویان لە ئەمریکا کردووە کە بەشێکیان بە رەگەز ئەمریکایی بوون و گەڕاونەتەوە بۆ وڵاتەکەیان.

نوسینگەکە ئاماژەی بەوەش کردووە، لە ساڵی ٢٠٢١دا ٣٧٦ هەزار کەس سنووری ئەمریکایان تێپەڕاندووە و هاتوونەتە ئەو وڵاتە و بەشێكیان کۆچبەری یاسایی و بەشێکیشیان کۆچبەری نایاسایی بوون. هەروەها سەبارەت بە ژمارەی کۆچبەرانی ساڵی ٢٠٢٢ رایگەیاندووە، ئەمساڵ ژمارەی کۆچبەران بە رادەیەک بووە کە لە ساڵی ٢٠١٠ وە  ئەو رێژە کۆچبەرە نەهاتوونەتە ئەمریکا.