ڕۆژی چوارشەممە ٢٠ی پووشپەڕ، لانیکەم چوار کۆبوونەوەی ناڕەزایەتیی کرێکاری و مەدەنی لە شارەکانی ئێران بەڕێوەچوو.
بەپێی ئەم ڕاپۆرتە، کۆمەڵێک لە ئەندامانی تەعاونی یەکەی نیشتەجێ بوونی کارگەری لە شارستانی پاکدەشت بە کۆبوونەوە لە بەرامبەر بینای ئەم تەعاونییە و ژمارەیەک لە حەواڵەدارانی شیرکەتی مۆدیران خۆدرۆ، بۆ دووهەمین ڕۆژی بەردەوام لە شاری تاران دەستیاندایە کۆبوونەوە و خوازیاری پێڕاگەیشتن بە خواستەکانیان بوون. هەروەها کۆمەڵێک له دانیشتووانی گوندی “اسفیدان” لە بۆجنوورد لە ناڕەزایەتیی بە کەمبوونی ئاوی خواردنەوە، دەستیاندایە کۆبوونەوە. لە لایەکی دیکەوە، کۆمەڵێک لە خوازیارانی “گەڵاڵەی نیشتمانی یەکەی نیشتەجێ بوون” لە شاری کورد، لە ڕۆژی سێشەممە ١٩ی پووشپەڕەوە له ناڕەزایەتیی بە جێبەجێ نەکرانی خواستەکانیان، لە بەرامبەر ئۆستانداری چوارمەحاڵ و بەخیاری، خێوەتیان هەڵداوە و خوازیاری وەڵامدانەوەی بەرپرسان بە کێشەکانیانن.