بەکردەوە دەرهێنانی سزای لەسێدارەدانی ژنێک لە زیندانی ناوەندیی یاسووج
پێنجشەممە ۱۱-۰۸-۱۴۰۲ | 02-11-2023
سزای لەسێدارەدانی زیندانییەکی ژن بە ناوی مریەم فوروغ مەنێش کە پێشتر بە تۆمەتی “کوشتنی بە ئەنقەست” سزای لەسێدارەدانی بەسەردا سەپێنرابوو، لە زیندانی ناوەندیی یاسوج جێبەجێکرا. لە ماوەی ١٠ مانگی ڕابردوودا لانیکەم ١٥ ژن لە زیندانەکانی کۆماری ئیسلامی لە سێدارە دراون.
بە پێی ڕاپۆرتەکان بەرەبەیانی ڕۆژی چوارشەممە، ١٠ی خەزەڵوەر، حوکمی لەسێدارەدانی مریەم فوروغ مەنێش خەڵکی شاری دێهدەشت سەر بە ناوچەی کۆهگیلۆیە و بۆیەر ئەحمەد لە زیندانی ناوەندیی یاسووج جێبەجێ کرا. مریەم فروغ مەنێش پێشتر بە تۆمەتی کوشتنی بە ئەنقەست دەستبەسەر و دواتر لەلایەن دەزگای قەزایی کۆماری ئیسلامیەوە حوکمی لەسێدارەدانی بەسەردا سەپێندرابوو.