پێنج کرێکاری مێترۆی تاران، کە بە نوێنەرایەتیی هاوکارانی خۆیان پەیگیری ئیسلاحاتی سیاسی لە ئەساسنامەی شیرکەتی مێترۆ و باشترکردنی بارودۆخی پێدانی حقوق و مەزایا بوون، تەنیا یەک ڕۆژ بەر لە ڕۆژی جیهانیی کرێکار، لە ماڵی شەخسیی خۆیان لەلایەن هێزە ئەمنیەتییەکانەوە دەستبەسەر کران. هەتا ئێستا هیچ زانیارییەک لەسەر بارودۆخ و شوێنی ڕاگرتن و تۆمەتەکانیان بڵاو نەکراوەتەوە.
کرێکارانی میترۆ، کە شەو و ڕۆژ لە بارودۆخی سەخت و زیانباردا لە تونێلی ژێر زەویدا کاردەکەن بۆ دەستەبەرکردنی گەشتێکی سەلامەت و ئاسوودە بۆ هاووڵاتیان، خۆیان لە ئیمکاناتی پێویستی خۆشگوزەرانی و مافە سەرەتاییەکان بێبەشن.
لە بارودۆخێکدا کە کرێکاران بەهۆی مافخوازی و ئیعتراز بە گرانیی بێسنوور بەرەوڕووی هەڕشە، لەسەر کار دەرکردن، دەستبەسەر کردن و پەروەندەسازی دەبنەوە، ئەرکی هەموو ئێمە کرێکارانە کە بە یەکگرتوویی و هاوپشتی لە بەرامبەر ئەم سەرکوتانەدا بوەستینەوە.
سەندیکای کرێکارانی شیرکەتی واحید وێڕای مەحکووم کردنی لێبڕاوانەی دەستبەسەرکردنی نوێنەرانی کرێکارانی شیرکەتی بەهرەبەرداریی مێترۆی تاران، خوازیاری ئازادیی دەستبەجێ و بێ شەرت و مەرجی ئەوان، ئازادیی گشت چالاکانی کرێکاری بەندکراو و وەدیهاتنی هەموو مافەکانی کرێکارانە.
چارەسەر بۆ کرێکاران یەکگرتوویی و ڕێکخراوە.
بەیاننامەی سەندیکای کرێکارانی شیرکەتی واحیدی ئوتوبووسڕانیی تاران و دەوروبەر
١٤ی گوڵانی ١٤٠٤ی هەتاوی
بڵاوکردنەوەی دووبارە: تەلەڤیزیۆنی حیزبی کۆمۆنیستی ئێران و کۆمەڵە
www.facebook.com/Peshrawcpiran
www.instagram.com/Peshrawcpirn