لە کاتێکدا کە حکوومەت بەهۆی ناکارامەییەوە بەرەوڕووی گەلێک قەیران بووەتەوە و لە نوێترین نموونەدا ئێرانی خستووە مەترسیی شەڕەوە، شایەدی گەشە و پەرەسەندنی ناڕەزایەتی و کۆبوونەوەی خانەنشینانی شەریفین. ئەگەرچی قەیرانەکانی ئەمڕۆ هۆکارەکەیان سیاسەتە هەڵەکانی چل و پێنج ساڵی ڕابردوو بووە. ئەو سیاسەتانەی کە بەهۆی نەبوونی پێکهاتەی دیموکراتیکەوە مافی دیاریکردنی چارەنووسیان لە خەڵک زەوتکردووە و بەرژوەندی کەمینەیان بەسەر زۆرینەدا ئەولەوییەت بەخشیوە. بەڵام بزووتنەوەی داخوازیی خانەنشینانی کشوەری، لەشکری و تەئمینی ئیجتماعی زیاتر لە دوو دەیەیە لەئارادایە و بە بیانووی هەڵومەرجی تایبەت لەوانە سزای ئابووری و شەڕ، ناتوانن حەقدەست و مافی زەحمەتکێشانی کۆمەڵگا بەتایبەت خانەنشینان پێشێل بکەن.
زیاتر لە ١٧ ساڵ بەسەر پەسندکردنی یاسای مودیریەتی خەدەماتی کشوەریدا تێپەڕیوە. کردەوەی دەوڵەتە جۆراوجۆرەکان لە ئیسلاح تەڵەوە هەتا ئۆسوولگەرا نیشانی داوە کە ئیرادەی دەسەڵات لە دەوڵەتەکاندا بە نادیدەگرتنی مافی کارمەندان و خانەنشینان داسەپاوە. چونکە دەوڵەتە جۆراوجۆرەکان سەرەڕای جیاوازیی ڕواڵەتی، بەکردەوە سیاسەتی سەرکوت و بێمافی و هەڵاواردنیان پەرەپێداوە. تا جێیەک کە داخوازیی “بەڕێوەبردنی کامڵی یاسای مودیریەتی خەدەماتی کشوەری” ئەمڕۆ ناتوانێ بۆشایی نێوان حەقدەست و هێڵی هەژاری پڕ بکاتەوە. ئەگەرچی “هاوسانکردنی حقووقی خانەنشینان بەپێی یاسای مودیریەتی خەدەماتی کشوەری بەتایبەت ماددەی ٦٤ و تێبینییەکەی” و “بەڕێوەبردنی کامڵی ماددەی ٨٥ سەبارەت بە بیمەی تەکمیلیی خانەنشینان” و “پەرداختی حقووقی دواخراو و خەسارەت بەهۆی بەڕێوەنەچوونی یاسای مودیریەتی خەدەماتی کشوری لە ساڵی ١٣٨٦” و “بووژاندنەوەی ماددەی ١٢٥ی ئەم یاسایە و بردنەسەری سەنەواتی حقووقی بەپێی تەوەرۆمی ساڵیانە کە لەلایەن بانکی مەرکەزییەوە ڕادەگەیەندرێ” و “پەرداختی کامڵ و دەستبەجێی پاداشی خانەنشینانی ساڵانی ڕابردوو” و “جێبەجێکردنی ڕوتبەبەندیی خانەنشینان” هەر هەموویان داخوازییەکی گرینگ و جیددین.
بەڵام بۆ نەمانی هەڵاواردن و جیاکاری پێویستە سەرەتا “پایەی حقووق بەلەبەرچاوگرتنی تەورەۆم، سەرتر لە هێڵی هەژاری” بۆ هەموو کرێکاران و کارمەندانی خانەنشین و لەسەرکار دیاری بکرێت و دواتر ئەم داخوازییانەی سەرەوە سەبارەت بە حقووق و حەقدەست جێبەجێ بکرێن. هەربۆیە زیادکردنی ڕێژەی کەم و بێ بایەخی حەقی خانەنشینان بەبێ لەبەرچاوگرتنی هێڵی هەژاری و تەوەرۆم لەژێر ناوی هەمسانسازی و ڕوتبەبەندی، جگە لە فریوکاریی حکوومەت هیچی تر نییە. مەسیرێک کە دەوڵەتی پزیشکیانیش هەروەک دەوڵەتەکانی پێشووی ئیدامەی دەدات. هەروەها ڕێکخراوەکانی سەربە دەسەڵات کە داخوازیی خانەنشینانیان کردووەتە قوربانیی بەرژوەندی جەناحی، هەروەک دەوڵەتەکان ڕووڕەش و فریوکارن.
شۆرای هاوئاهەنگیی ڕێکخراوە پیشەییەکانی مامۆستایانی ئێران وێڕای پشتیوانیی لێبڕاوانە لە داخوازیی هەموو جەماوەری کرێکار و زەحمەتکێش، ناڕەزایەتی و کۆبوونەوە بۆ مامۆستایانی لەسەرکار و خانەنشین بە مافێکی یاسایی و بنەڕەتی دەزانێت و لەئاست هەرجۆرە هەڵسووکەوتێکی سەرکوتگەرانە هۆشدار بە دەوڵەت دەدات.
خانەنشینانی شەریف مافی خۆیانە لە سەردەمی بەساڵاچوویی و خانەنشینیدا لە مووچەی سەرووی هێڵی هەژاری، بێمەی کارامە و ئیمکاناتی ڕەفاهی بەهرەمەند بن و ڕێز لە کەرامەتی ئینسانییان بگیرێت. شۆرای هاوئاهەنگی لە بانگەوازەکانی خانەنشینانی ئازیز بۆ کۆبوونەوە لەوانە بانگەوازی ڕۆژی سێشەممە ٨ی مانگی خەزەڵوەر کە لایەن گرووپە جۆراوجۆرەکانی خانەنشینانەوە ڕاگەیەندراوە، پشتیوانی دەکات.
شۆرای هاوئاهەنگیی ڕێکخراوە پیشەییەکانی مامۆستایانی ئێران
٦ی خەزەڵوەری ١٤٠٣ی هەتاوی