تاڵیبان و ئێران شەڕیانە
دوشەممە ۲۲-۰۱-۱۴۰۱ | 11-04-2022
بەرەبەیانی ئەمڕۆ یه‌كشه‌ممه لەسەر سنوورەكانی نێوان ئەفغانستان و ئێران شەڕ لەنێوان چەكدارانی بزوتنەوەی تاڵیبان و هێزەكانی پاسەوانی سنووری ئێراندا ڕوویداوە. تا ئێستا زیانە گیانییەكانی ئەو شەڕە نەزانراون و میدیای ئێرانی هیچ زانیارییەكی لەو بارەوە ئاشكرانەكردووە و ڕوون نییە لە كام بەشە سنوورە هاوبەشەكەی هەردوو وڵاتەكە كە درێژییەكەی ٩٤٥ كیلۆمەترە پێكدادانەكە ڕوویداوە.
بە دوای كۆنترۆڵكردنی ئەفغانستان لەلایەن تاڵیبانەوە لە ساڵی ڕابردوودا، چەند جارێك پێكدادان لەنێوان چەكدارانی ئەو بزوتنەوەیە و هێزەكانی سەر سنووری ئێراندا ڕوویداوە و لە پێكدادانێك دا سێ سەربازی کۆماری ئیسلامی كوژران.