تووش بوونی منداڵانی کەم تەمەن بە ماددە هۆشبەرەکان
چوارشەممە ۲۳-۰۶-۱۴۰۱ | 14-09-2022
مێرمنداڵانی پۆلەکانی خوێندنی سەرەتایی لە قوتابخانەکانی ئێران، ڕۆژ بەڕۆژ زیاتر ئالوودەی ماددە هۆشبەرەکان دەبن.
ڕۆژی سێشەممە ٢٢ی خەرمانان، نوێنەری پارێزگای خۆراسانی باشوور لە شۆرای پارێزگاکان وتی: لە قوتابخانە سەرەتاییەکاندا مێرمنداڵان بە شێوەیەکی بەرچاو تووشی ماددەی هۆشبەر بوون و ئەو قوتابییانەی کە کێشەی تووشبوون بە ماددەی هۆشبەریان هەیە و ئالوودە بوون، ئەگەر وازیشی لێ بهێنن دووبارە ڕوو دەکەنەوە ماددەی هۆشبەری دیکە، لەبەر ئەوەی ئەو ماددەیە لەگەڵ دەمارەکانیاندا تێکەڵ بووە و بە ئاسانییش دەست دەکەوێ و نرخەکەشی گران نییە.