جێبەجێکردنی سزای سێدارەی بەندکراوێک لە زیندانی شیروان
چوارشەممە ۲۲-۰۹-۱۴۰۲ | 13-12-2023
سزای سێدارەی بەندکراوێکی خەڵکی شاری شیروان سەر بە پارێزگای خۆراسانی باکوور لە بەندیخانەی ناوەندیی ئەو شارە جێبەجێ کرا.
بەرەبەیانیی ڕۆژی سێشەممە، ٢١ی سەرماوەز، سزای سێدارەی بەندکراوێک بە ناوی عەلی بابایی تەمەن ٣٨ ساڵ کە پێشتر بە تۆمەتی بازرگانی کردن ماددەی هۆشبەر بەسەریدا سەپابوو، لە بەندیخانەی ناوەندیی شاری شیروان جێبەجێ کرا.
بەگوێرەی زانیاریی سەرچاوە ئاگادارەکان، ئەو هاووڵاتییە ٤ ساڵ لەمەوبەر بە تۆمەتی پەیوەندیدار بە ماددە هۆشبەرەکان لەلایەن هێزە ئەمنییەکانەوە دەستبەسەر کرا و دواتر لەلایەن دەزگای دادوەریی ڕژیمەوە سزای سێدارەی بەسەردا سەپا.