جێبەجێکردنی سزای سێدارەی هاووڵاتیەک لە بەندیخانەی ناوەندی شاری هەمەدان
چوارشەممە ۱۹-۰۷-۱۴۰۲ | 11-10-2023
بەرەبەیانی ڕۆژی چوار شەممە ١٩ی ڕەزبەر، سزای سێدارەی حوسێن بەهرەمەند، خەڵکی شاری ڕەبەت سەر بە شاری سەردەشت لە بەندیخانەی شاری هەمەدان جێبەجێ کرا.
بە وتەی سەرچاوەیەکی ئاگادار، ئەم بەندکراوە سێ ساڵ لەمەوبەر بە تۆمەتی پەیوەندیدار بە ماددە هۆشبەرەکان دەستبەسەر کرا و دواتر لەلایەن دەزگای دادوەری کۆماری ئیسلامیەوە سزای سێدارەی بەسەردا سەپێنرا.