خه‌ڵكی شاری میناب بنكه‌یه‌كی سپای پاسدارانیان ئاگردا
سێشەممە ۲۰-۰۲-۱۴۰۱ | 10-05-2022
ڕۆژی دووشه‌ممه ١٩ی مانگی گوڵان، كۆمه‌ڵێك له هاووڵاتییانی شاری ”میناب” لە به‌لووچستان له ناڕه‌زایه‌تی به برینداركردنی سووختبه‌رێك له لایه‌ن هێزه‌كانی سپای پاسدارانه‌وه، بنكه‌كه‌یه‌كی ئه‌و هێزه‌یان ئاگرتێبه‌ردا.
شایانی باسە کە هێزه‌كانی سپای پاسداران لەو شارە هێرشیان كردە سه‌ر دوو ئۆتۆمبێلی سووختبه‌ران و شۆفێری یه‌كێك له ئۆتۆمبێله‌كانیان به توندی بریندار کرد. دوای ئەم دەسدرێژەی هێزەکانی رژیم، خه‌ڵكی تووڕه و ناڕازی میناب ڕژانه سه‌ر شه‌قام و بنكه‌یه‌كی سه‌ربازی سپای پاسدارانیان بە تۆڵەی ئەو جنایەتە ئاگرتێبه‌ردا.