Komala

یەکێک لە کرێکارانی کۆمپانیای پێترۆشیمی کرماشان کە لە شارۆچکەی بێستوون سەر بە شاری هەرسین هەڵکەوتووە بە ناوی سەجاد ئەمیری ٣٠ ساڵ تەمەن، دوای دەرکرانی لەسەر کارەکەی و بە هۆی هەژاری و بێکارییەوە لە پێش ئەو کۆمپانیایە ئاگری لە جەستەی خۆی بەردا و لە ئاکامدا بەداخەوە گیانی لەدەست دا.
سەجاد ئەمیری ڕۆژی دووشەممە ٢١ی خەرمانان، لەپێش بینای کۆمپانیای پێترۆشیمی بێستوون ئاگری لە جەستەی خۆی بەرداوە و دوای گواستنەوەی بۆ ناوەندە دەرمانییەکان بە هۆی لەسەرەوە بوونی ڕێژەی سووتانەکەی، گیانی لە دەست داوە.

«سەجاد ئەمیری ماوەی چەند ساڵ بووە کە لە کۆمپانیای پێترۆشیمی بێستوون کاری کردووە و لە ڕۆژانی ڕابردوودا بێ هیچ هۆکارێک و ڕوونکردنەوەیەک لەلایەن بەرپرسانی ئەو کۆمپانیایە لە کارەکەی دوور خراوەتەوە و ناوبراو بەهۆی هەژاری و دەست کورتی خۆی کوشتووە.