خۆپیشاندانی دەیان هەزار کەسی لە پێتەختی بریتانیا
یەکشەممە ۱۴-۰۸-۱۴۰۲ | 05-11-2023
ڕۆژی شەممە ١٣ی خەزەڵوەر، بە دەیان هەزار کەس لە شارەکانی سەرتاسەری بریتانیا، هاتنە سەر شەقامەکان و خوازیاری کۆتایی هێنان بە هێرشەکانی ئیسڕائیل بۆ سەر غەززە بوون.
هاوکات پۆلیسی “مێترۆپۆلتین” ڕایگەیاندووە تەنیا لە شاری لەندەن پێتەختی ئینگلیس، ٣٠ هەزار کەس بەشداریان لەم خۆپیشاندانە کردووە. بە وتەی پۆلیسی ئینگلیس، لە وێستگەکانی ڕێگای ئاسن لە ئیدینبۆرگ و گلاسکۆ و چرینگ کڕاسی لەندەن، خۆپیشاندەران لەسەر زەوی دانیشتوون و پێشیان بە موسافیرانی قەتارەکان گرتووە. شایانی باسە، لە شاری لەندەن، ٢٩ کەس بەهۆی جموجۆڵی ڕەگەزپەرەستانە دەستبەسەر کراون.