خۆکوژی ٣مێرمنداڵ لە ماوەی رابردوودا
یەکشەممە ۰۲-۰۵-۱۴۰۱ | 24-07-2022
لە ماوەی ڕۆژانی ڕابردوودا سێ مێرمنداڵی ژێر ١٨ ساڵ لە شارەکانی مەهاباد و کوهدەشت بە ناوەکانی عەلی محەممەد قەلەندی، فەرهاد مەحموودزادە و ئەمیر ئازادبەخت بە هۆی کێشە و گیروگرفت کۆتاییان بە ژیانی خۆیان هێناوە. خۆکوژی مێرمنداڵان لە ٤ مانگی یەکەمی ئەمساڵدا بە بەراورد لەگەڵ ساڵی ڕابردوو ١٠٠٪ بەرز بووەتەوە.
بە پێی ئامارەکان، لە سەرەتای ئەمساڵەوە تا ئێستا لانی کەم ٣٠ مێرمنداڵی ژێر ١٨ ساڵ (٢١ کوڕ) و (٩ کچ) لە شارەکانی کوردستان کۆتاییان بە ژیانی خۆیان هێناوە. ئەم رێژە بە بەراورد لەگەڵ ماوەی هاوشێوەی ساڵی ڕابردوو ١٥ حاڵەت واتە ١٠٠٪ زیادی کردووە.