Komala

بەپێی زانیارییەکان، نیوەشەوی هەینی ١٠ی ڕەشەممە، کچێکی منداڵ بە ناوی “فاتمە سلێمانی” تەمەن ١٢ ساڵ و خەڵکی هەرسینی سەر بە پارێزگای کرماشان، بە هۆی هاوسەرگیری زۆرەملێ لە ڕێگای خۆهەڵواسینەوە کۆتایی بە ژیانی خۆیی هێناوە.
شایانی باسە، خزمێکی ئەم منداڵە قوربانییە چووتە خوازبێنی و ئەویش ڕەتی کردووەتەوە هاوسەرگیری لەگەڵ بکات و دواتر لە لایەن باوکیەوە لەڕووی دەروونیەوە ئازار و ئەشکەنجە دراوە و هەڕەشەی کوشتنی لێکراوە، ئەویش چەندین جار بە بنەماڵەکەی وتووە کە ئەگەر ئەم گوشارانە بەردەوام بن کۆتایی بە ژیانی خۆیی دەهێنێت. داواکاری ئەم منداڵە کەسێکی نیزامی بووە و سەرەڕای کەم تەمەنی کچەکە و جیاوازی تەمەنییان زۆر پابەندی ئەم پەیوەندیە نامرۆڤانەیە بووە.