خەبات وەیسی جارێکیتر دەستبەسەر کرایەوە
دوشەممە ۱۶-۰۸-۱۴۰۱ | 07-11-2022
خەبات وەیسی خوێندکاری مەریوانی کە سێ حەفتە پێش بە دانانی بارمتە و بە شێوەی کاتی ئازاد کرابوو، جارێکی دیکە لەلایەن هێزە سەرکوتگەرەکانی ڕژیمەوە دەستبەسەر کرا.
خەبات وەیسی خوێندکاری تەمەن ٢٥ ساڵی خەڵکی مەریوان ڕۆژی سێشەممە ١٦ی خەزەڵوەر، لەلایەن هێزە سەرکوتگەرەکانی ڕژیمەوە دەستبەسەر و گوازراوەتەوە بۆ شوێنێکی نادیار .
بە وتەی سەرچاوەیەکی ئاگادار، لە کاتی ڕفاندنی خەبات وەیسی هێزە ئەمنییەکان مۆبایلەکەیان لەگەڵ خۆیان بردوە و ئەشکەنجەیان داوە.