داسەپاندنی سزای زیندان بەسەر هاوڵاتییەکی خەڵکی بۆکان
دوشەممە ۱۱-۰۲-۱۴۰۲ | 01-05-2023
مەسعوود دارسەنج، خەڵکی بۆکان، کە زستانی ساڵی ڕابردوو بۆ ماوەیەک دەستبەسەر و لێپرسینەوەی لێکرابوو، لەلایەن دەزگای دادی کۆماری ئیسلامیەوە سزای٣٣ مانگ بەندکرانی بەسەردا سەپێندرا.
مەسعوود دارسەنج، ڕۆژی یەکشەممە ٢٥ی بەفرانباری پارەکە، لەلایەن هێزەکانی ڕژیمەوە لە شاری بۆکان دەستبەسەرکرا و دەستیان بەسەر مۆبایل و لاپتۆپی ناوبراودا گرت.
ئەم هاووڵاتییە دوای یەک مانگ دەستبەسەرکران، لە ڕەشەممەی ساڵی ڕابردوو بە دانانی بارمتە ٣٥٠ ملیۆن تمەنی شێوەیەکی کاتی ئازاد کرا بوو.