درێژه‌ی ناڕه‌زایه‌تی كادری ده‌رمانی كرمانشا
شەممە ۱۸-۰۴-۱۴۰۱ | 09-07-2022
ڕۆژی جومعە ١٧ی مانگی پووشپه‌ڕ، كۆمه‌ڵێکی بەرچاو له په‌ره‌ستاران و كادری ده‌رمانی نه‌خۆشخانه‌كانی كرمانشا له‌ئاست بڕیاری ده‌وڵه‌ت بۆ بێكاركردنیان و دامه‌زرانی سه‌دان په‌ره‌ستاری به‌ناو “ئیسارگه‌ر” له جێگه‌یان، ناڕه‌زایه‌تییان ده‌ربڕی.
ناڕازییانی به‌شداربوو له‌و كۆبوونه‌وه‌دا ڕایانگه‌یاند: كاتی كۆرۆنا له سه‌ختترین باروودۆخ و دوور له بنه‌ماڵه‌كانمان شه‌و و ڕۆژمان له نه‌خۆشخانه تێپه‌ڕكرد، به‌ڵام ئیستا كه ڕێژه‌ی تووشبووان به كۆرۆنا كه‌میكردووه ده‌وڵه‌ت بڕیاری بێكاركردنی سه‌دان په‌ره‌ستاری داوه و بڕیاره ئه‌و په‌ره‌ستارانه كه پشكی “ئیسارگه‌ر” یان هه‌یه له جێگه‌مان دابمه‌زرێنن. به‌وته‌ی یه‌كێك له په‌ره‌ستاران، زۆربه‌ی ئه‌و كه‌سانه‌ی به‌ناوی ئیسارگه‌ر له‌قه‌ڵه‌م ده‌درێن، منداڵی ئاغا‌زاده‌كانن.