Komala

ڕۆژی دووشەممە، ٢٣ی گەلاوێژ، نازیلا مەعرووفیان، ڕۆژنامەوانی خەڵکی سەقز و دانیشتووی تاران، ڕۆژێک پاش ئازادکرانی کاتی، دەسبەسەر کرایەوە.
بە وتەی سەرچاوەیەکی ئاگادار، ئەم ڕۆژنامەوانە پاش دەسبەسەرکران، بۆ زیندانی قەرچەک ڕاگوێزراوە.
ڕۆژی یەکشەممە، ٢٢ی گەلاوێژ، نازیلا مەعرووفیان، بە دانانی بارمتەی ٣٠٠ میلیۆن تمەنی، بە شێوەی کاتی لە زیندانی ئێڤین ئازاد بوو.
شایانی باسە کە نازیلا مەعرووفیان، بە هۆی ڕەچاونەکردنی حیجابی زۆرەملێ، لە مافی چاوپێکەوتن لەگەڵ بنەماڵە و پێوەندی لەگەڵیان بێبەری کرابوو.