Komala

ئاژانسی هەواڵی تەسنیم ڕایگەیاندووە، ئەڕتەشی کۆماری ئیسلامی بڵاوی کردووەتەوە کە بەهۆی هێرشی بەرەبەیانی ئەمڕۆی ئیسڕائیل بۆ سەر ئێران، دوو سەرباز گیانیان لەدەست داوە.
هەواڵنێرییەکان رایانگەیاند بەرەبەیانی ئەمڕۆ شەممە ٥ی خەزەڵوەر، ئیسرائیل بە دەیان فڕۆکەی جەنگی هێرشی کردە سەر کۆماری ئیسلامی و چەند شوێنێکی بۆمباران کرد. لەم پێوەندەدا، سەرچاوە ئیسرائیلیەکان ڕایانگەیاندووە، زیاتر لە 100 فڕۆکە و فڕۆکەی بێفڕۆکەوان بەشداریی ئەو هێرشانەیان کردووە بۆ سەر ئێران. هەروەها نزیکەی 20 ئامانجیان پێکاوە، لەوانەش پێگەکانی موشەکی بالیستی و کۆمەڵەی بەرگریی ئاسمانی.