دووەمین تەقەی کوشندە لە کالیفۆرنیا حەوت کوژراوی لێکەوتەوە
سێشەممە ۰۴-۱۱-۱۴۰۱ | 24-01-2023
کاربەدەستانی ئەمریکا ڕایانگەیاند، ڕۆژی دووشەممە بە هۆی دوو تەقەی پەیوەندیدار لە نزیک سانفرانسیسکۆ لە کەناراوەکانی باشووری کالیفۆرنیا، حەوت کەس کوژران و تۆمەتباری ئەم هێرشە دەستبەسەرە.
بەپێی زانیارییەکانی پۆلیسی شاری سان ماتیو، هێرشی یەکەم لە کێڵگەیەکی قارچکدا لە کاتژمێر ٢:٢٢ خولەکی پاشنیوەڕۆدا چوار کوژراو و بریندارێکی لێکەوتەوە، هەروەها تەرمی سێ کەسی دیکەش لە چەند مایل ئەولاترەوە لە گەراجێکی بارهەڵگردا دۆزرایەوە. تەقەکردنەکە لە ناوچەی هاف مون بەی ئەنجامدراوە، کە شارۆچکەیەکی کەنار دەریایە و 48 کیلۆمەتر لە باشووری سانفرانسیسکۆوە دوورە.