Komala

ڕۆژی چوارشەممە، ١٨ی خەزەڵوەر، دوو هاووڵاتیی خەڵکی شاری مەریوان بە ناوەکانی پەیمان تارم و محەممەد حیسامی، لەلایەن هێزە سەرکوتگەرەکانی ڕژیمەوە لەو شارە بە شێوەیەکی دڕندانە دەسبەسەر کران.
بەپێی زانیاریی شایەتحاڵان؛ هێزەکانی ڕژیم بە چەک و بە شێوەیەکی دڕندانە و لێدان ئەو دوو هاووڵاتییەیان ڕفاندووە.
شایەتحاڵان باس لەوە دەکەن کە پەیمان تارم و محەممەد حیسامی لە چایخانەی “شەعب” کە لە چوارڕێیانی سەرەکیی شاری مەریوان هەڵکەوتووە، دانیشتبوون کە لەلایەن هێزە سەرکوتگەرەکانی ڕژیمەوە هێرش کراوەتە سەریان و ڕفێندراون.
تاکوو ئێستا هیچ زانیارییەک لەسەر شوێنی ڕاگیران و بارودۆخی ئەو دوو هاووڵاتییە لە بەردەستدا نییە.