Komala

ڕۆژی یەکشەممە، ١٥ی خەزەڵوەر، دوو هاووڵاتی بە ناوەکانی: ئەیووب کەریمی و مەهدی شێخی لەلایەن هێزەکانی ئیتلاعاتی ڕژیم لە شاری مەلەکشایی سەر بە پارێزگای ئیلام ڕفێندران.
لە زۆربەی حاڵەتەکانی ڕفاندن و دەستبەسەرکرانی هاووڵاتییان، ناوەندەکانی ئیتلاعات هیچ چەشنە زانیارییەک لەسەر بارودۆخی دەستبەسەرکراوەکان بە بنەماڵەکانیان نادەن و چارەنووسی دەستبەسەرکراوان بە نادیاری دەمێنێتەوە. ئەم بابەتە بووەتە جێگەی نیگەرانی بنەماڵەکانیان و ناوەندەکانی مافی مرۆڤ. سەرەڕای ئەمانەش، زۆرێک لە بنەماڵەی ڕفێندراو و دەستبەسەرکراوان، لەلایەن ناوەندە حکومەتییەکان هەڕەشەیان لێکراوە، کە نابێت هەواڵی ڕفاندن و بارودۆخی ڕۆڵەکانیان میدیایی بکەنەوە.