دوو کەس لەلایەن هێزە ئەمنییەکانی کۆماری ئیسلامییه‌وه دەستبەسەر کران
دوشەممە ۲۲-۰۱-۱۴۰۱ | 11-04-2022
ئێوارەی ڕۆژی شەممە ٢٠ی خاکەلێوە، هێزەکانی ئیدارەی ئیتلاعاتی بانە دوو برا بە ناوەکانی ڕامین ڕیشی تەمەن ٢٥ ساڵ و ڕێبین ڕیشی تەمەن ٢٨ ساڵیان دەستبەسەر کردووە و بۆ شوێنێکی نادیاریان گواستوونەتەوە.
بە وتەی سەرچاوەیەکی ئاگادار، ڕامین ڕیشی ئارایشگەر و ڕێبین ڕیشی بەرگدوور بووە و هەر دوو لە شوێنی کارەکەی خۆیان لەلایەن هێزەکانی ئیدارەی ئیتلاعات دەستبەسەر کراون. هەتا کاتی ئامادە کردنی ئەم هەواڵە هیچ زانیارییەک لە سەر هۆکاری دەستبەسەرکران و ئەو تۆمەتانەی کە خراونەتە پاڵ ئەو دوو برایە و هەروەها چارەنووس و شوێنی زیندانیكردنی لە بەر دەستدا نییە.