دو هاووڵاتی خەلکی پیرانشار دەستبەسەرکران
چوارشەممە ۱۱-۰۸-۱۴۰۱ | 02-11-2022
دوو هاووڵاتی خەڵکی پیرانشار، بە ناوەکانی هادی بەهمەنیار و خالق هۆشیار لەلایەن هێزەکانی ڕژیمەوە ڕفێندراون و چارەنووسیان نادیارە.
ڕۆژی دووشەممە، ٩ ی خەزەڵوەر، هونەرمەند خالق هۆشیار بە تۆمەتی خوێندنی سروودی شۆڕشگێڕانە لەلایەن هێزەکانی ڕژیمەوە ڕفێندراوە. لە لایەکی دیکەوە، ڕۆژی یەکشەممە ٨ی خەزەڵوەر، هێزە ئەمنیەکانی ڕژیم هادی بەهمەنیاریان لە شاری پیرانشار ڕفاندووە.
هەتا کاتی داڕشتنی ئەم هەواڵە، چارەنووس و شوێنی دەستبەسەرکرانی ئەو دوو هاووڵاتییە نادیارە و بەدواداچوونەکانی بنەماڵەکانیان لەو بارەوە بێ ئاکام ماوەتەوە.